Kryetari i Degës së PDK-së në Skenderaj, Sami Lushtaku, shprehet i bindur se partia e tij do të dalë fituese e zgjedhjeve të 6 tetorit.

Ai përmes një postimi në Facebook ka bërë të ditur se ka vazhduar fushatën në fshatin Korroticë të Drenasit, ku ka marrë mbështetje nga banorët, shkruan Reporteri.net.

“Në Korroticë të Drenasit takova shumë përkrahës të Partisë Demokratike të Kosovës dhe kandidatëve tanë. PDK është alternativa e vetme politike, e cila mund të qeverisë mirë e mbarë me Kosovën. Faleminderit të gjithëve për mbështetjen! SL”, ka shkruar Lushtaku në Facebook.