Ndërkohë që sytë e të gjithë kosovarëve janë të drejtuar kah Qeveria e re, negociatat për formimin e së cilës po zgjasin tash e tre muaj,  Shefi i Task-Forcës për Anti Drogë dhe Siguri në Shkolla, Avdullah Hasani, po vazhdon të shijojë “sukseset” e punës së tij. 

Hasani përmes një postimi në Facebook ka treguar që çdo herë e më shumë shkollat dhe universitetet e Kosovës po i bashkangjiten fushatës kundërt përdorimit të narkotikëve, shkruan Reporteri.net.

Ai ka treguar se sot ka marrë pjesë në ceremoninë e diplomimit të studentëve të Universitetit të Gjakovës “Fehmi Agani”.

Hasani është shprehur i lumtur që edhe Universiteti i Gjakovës do t’i bashkëngjitet fushatës kundër përdorimit të narkotikëve.

“Jam shumë i lumtur që edhe Universiteti i Gjakovës do t’i bashkëngjitet fushatës tonë intensive që do ta fillojmë së shpejti. Sot, pata kënaqësinë që të marrë pjesë në “Ceremoninë e diplomimit të studentëve të Universitetit të Gjakovës “Fehmi Agani”, ku Universitetit dhe rektorit Prof.dr Artan Nimani i ndava certifikatën “ Ambasador i fushatës shtetërore kundër narkotikëve”, ka shkruar Hasani.

https://www.facebook.com/avdullah.hasani.9/posts/2983350188350889