Kandidatja për presidente nga radhët e VV-së, Vjosa Osmani, ka komentuar grafitet në të cilat emri i Glauk Konjufcës paraqitet i pari në listën e VV-së dhe mbi emrin e saj.

Osmani i prin listës së VV-së për zgjedhjet e 14 shkurtit me numër 2 derisa Glauk Konjufca është pas saj me numër 3. Kjo pasi emri i Albin Kurtit u hoq nga lista.

“Ne jemi në një koalicion nëpërmjet një marrëveshje të zotimeve që e kemi nënshkruar”, tha Osmani.

“Sa i përket grafiteve s’kemi kohë për të humbim minutat e këtij emisioni me këtë çështje”, tha ajo.

“Dua të potencoj se bashkëpunimi që kemi ndërtuar me Lëvizjen Vetëvendosje me që të gjithë anëtarët nga z.Kurti, z.Konjufca e deri te anëtari i fundit ka qenë i shkëlqyer, i jashtëzakonshëm dhe përtjet pritshmërive tona”, theksoi Osmani.