Dy punëtorë të ndërtimtarisë kanë vdekur në Gjakovë.

Rastin e ka konfimuar për Reporteri.net drejtori i Policisë në Gjakovë, Lumni Graishta

“Dyshohet se kanë rënë nga lartësia nga një objekt në ndërtim e sipër. Mjeku në emergjencë e ka konfirmuar vdekjen”.

“Njësitet policore janë në vendin e ngjarjes bashkë me inspektorët e ndërtimit dhe prokurorin”, ka thënë Graishta.

Ndërsa, zëdhënësi i Policisë për rajonin e Gjakovës, Sheremet Elezaj, ka konfirmuar për Reporteri.net se dy personat që kanë vdekur janë të moshës madhore.

“Sot rreth orës 08:15, jemi njoftuar se dy persona (meshkuj të moshës madhore) janë dërguar për trajtim mjekësor në Spitalin Rajonal në Gjakovë, dyshohet si pasojë e lëndimeve të pësuar në vendin e punës, në rrugën “Bardhyl Qaushi ” në Gjakovë. Më pas është konfirmuar edhe vdekja e tyre”.

“Njësitë relevante të Policisë kanë dalë menjëherë në vendin e ngjarjes dhe janë duke ndërmarr veprime hetimore me qëllim të sqarimit të plotë të rrethanave të rastit”, ka deklaruar ai. /Reporteri.net/.