Një tentim grabitje ka ndodhur gjatë ditës së djeshme në një market në Prishtinë.

Personi i cili kishte hyrë për të kryer grabitjen u frikësua nga një konsumator dhe u largua më pas.

Policia e Kosovës në raportin 24 orësh ka thënë se nga ky rast nuk ka persona të lënduar.

“Viktima mashkull kosovar ka raportuar se një person i maskuar dhe me armë të shkurtë në dorë kishte hyrë në një lokal dhe ia kishte drejtuar armën dëshmitarit mashkull kosovar por dëshmitari kishte arritur ta zbraps të dyshuarin i cili kishte dalë nga lokali dhe ishte larguar në drejtim të panjohur. Në vendin e ngjarjes kanë dalë njësitë policore dhe nuk raportohet për të lënduar. Rasti vazhdon të hetohet”, thuhet në njoftimin e Policisë së Kosovës.

Rasti ka ndodhur rreth orës 20:45.