Ministri në largim i Arsimit, Shyqyri Bytyqi është pranë largimit nga NISMA.

Burime të Gazetës Online “Reporteri.net”, të afërta me ministrin, kanë treguar se dorëheqja e tij nga NISMA do të bëhet publike gjatë ditëve në vijim.

Sipas këtij burimi Bytyqi tashmë përfundimisht e ka ndarë mendjen për largim nga partia e Fatmir Limajt dhe vetëm është pritur shpërbërja e Kuvendit të Kosovës për ta zyrtarizuar vendimin.

I njëjti burim thotë se Shyqyri Bytyqi do të aderojë në një tjetër parti, dhe se gjithçka do të zyrtarizohet brenda pak ditësh, shkruan Reporteri.net.

Bytyqi është zyrtari i dytë i NISMA-s që ka mbajtur post ministror e që largohet nga NISMA. Muaj më parë partinë e Fatmir Limajt e ka braktisur edhe ish-ministri i Tregtisë Bajram Hasani i cili tashmë ka aderuar në AAK.

Reporteri.net ka provuar të kontaktojë Ministrin Bytyqi, por kontakti me të ka qenë i pamundur.

Raportime për largimin e tij nga NISMA ka patur edhe më parë. /Reporteri.net/.