Qeveria e Republikës së Kosovës sot ka zhvilluar një mbledhje elektronike.

Në njoftimin nga ZKM bëhet e ditur se në këtë mbledhje janë marrë dy vendime. Në mbledhjen e sotme të Qeverisë është miratuar projektligji për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim dhe është themeluar Komisioni i Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës.

“Miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1”, njofton Qeveria.

“Themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024”, thuhet në njoftimin e Qeverisë./Reporteri.net/