Australianët që përdorin Facebook dhe Instagram nën moshën 16 vjeç do të njoftohen që nga e enjtja se llogaritë e tyre do të çaktivizohen deri më 10 dhjetor.

Përdoruesit e prekur do të marrin një njoftim 14-ditor për çaktivizimin e llogarisë, përmes mesazheve brenda aplikacionit, emailit dhe SMS-ve, para se qasja t’u bllokohet.

Ndalimi do të prekë përdoruesit në Facebook, Instagram dhe Threads (meqë Threads kërkon një llogari Instagram për t’u përdorur). Messenger nuk përfshihet në këtë ndalim – por Meta ka pasur nevojë të krijojë një mënyrë që përdoruesit të vazhdojnë të përdorin Messenger edhe pa një llogari Facebook.

Sipas kompanisë, Meta do të nisë bllokimin e qasjes në llogaritë ekzistuese dhe do të pengojë regjistrimin e llogarive të reja për nën-16-vjeçarët duke filluar nga data 4 dhjetor, ndërsa të gjitha llogaritë e prekura do të kenë humbur aksesin deri më 10 dhjetor.

/Reporteri.net/