Kombëtarja e Kosovës nuk arriti rezultate të mira në ndeshjet e tetorit dhe përveç kësaj tani janë zbuluar disa prapaskena interesante nga Agim Kasapolli
Kosova në tetor humbi nga Maqedonia e Veriut dhe Sllovenia, derisa më pas barazoi me Greqinë, shkruan Reporteri.net
Para ndeshjes me Greqinë, tre futbollsitët e Kosovës, Valon Berisha, Arbër Zeneli dhe Edon Zhegrova u larguan nga Kombëtarja.
Nëpërmjet një njoftimi zyrtar, FFK, deklaroi se lojtarët e lartpërmendur vuanin nga lëndime të vogla, ndërkohë që ditën e djeshme, gazetari dhe komentatori i njohur kosovar, Agim Kasapolli, ka zbuluar një prapaskenë të bujshme, duke pretenduar se Valon Berisha dhe Edon Zhgrova janë përleshur me njëri-tjetrin në dhomat e zhveshjes.
“Kam informata se Zhegrova dhe Valon Berisha kanë pasur përleshje në dhomat e zhveshjes pas ndeshjes ndaj Sllovenisë,” ka thënë Kasapolli. /Reporteri.net/