Policia ka njoftuar se ditën e sotme gjatë patrullimit në Gjilan kanë ndaluar një person, S.J., shtetas serb.

“Policia e Kosovës, njësite patrulluese nga Stacioni Policor Gjilan me datën 24.05.2023 gjatë patrullimit në qytetin e Gjilanit deri sa ishin duke kryer detyra operacionale kanë ndalur të dyshuarin S.J. (viti i lindjes 1981, mashkull kosovar serb)”, thuhet në njoftim të policisë.

Sipas policisë, i njëjti dyshohet se është i kërkuar në bazë të një urdhër arrestit ndërkombëtar i lëshuar nga shteti i Malit të Zi për veprat penale ‘‘Vrasje e rëndë’’ dhe “Themelim i organizatës kriminale’’.

“I njëjti është arrestuar dhe shoqëruar në Stacionin Policor Gjilan. Të gjitha veprimet dhe procedurat e mëtejme, do të ndërmerren në koordinim me njësitin për bashkëpunim ndërkombëtar Fast Kosova nga Policia e Kosovës dhe institucionet përkatëse”, thuhet tutje në njoftim.