Mali i Zi njoftoi sonte dy të prekurit e parë nga koronavirusi.

Njëra nga dy të infektuarat sipas RTCG raportohet të jetë nga Ulqini ndërsa tjetra nga Podgorica. Ato janë të lindura në vitin 1948 dhe 1973.

Të prekurat kishin histori udhëtimi. Së fundi ato ishin kthyer nga Amerika, përkatësisht Spanja.

Spanja pas Italisë është vendi më i prekur nga koronavirus në Europë. Ndërkohë SHBA ka kaluar shifrën e 5 mijë të prekurve.