Policia e Kosovës ka bërë të ditur se Drejtoria për Hetimin e Krimeve Ekonomike dhe Korrupsion ka zhvilluar një operacion policor në disa lokacione.
Një operacion i tillë është kryer edhe në lagjen “Marigona” nga mësohet se u arrestuan Ismet Osmani, i njohur si “Curri”, i cili është pronar i disa kazinove në Kosovë, shkruan Reporteri.net
Si dhe i arrestuar është Ilir Bojku i njohur si gorilla.
Në këtë aksion të policisë është arretuar edhe Mentor Maqani ndërsa në arrati vazhdon të jetë Rrahim Hashimi, ish i akuzuari për rastin e “Sekserëve”, bashkë me Emin Beqirin, ish-shefi i krimeve ekonomike.
Ndërsa rastin për Reporterin e ka konfirmuar zëdhënësi i Policisë së Kosovës, Baki Kelani i cili thënë se Drejtoria për Hetimin e Krimeve Ekonomike dhe Korrupsionit, pas një hetimi të gjatë, është duke e realizuar një operacion policor i cili përfshin disa lokacione.
”Mund të konfirmojmë se, Drejtoria për Hetimin e Krimeve Ekonomike dhe Korrupsionit, pas një hetimi të gjatë, është duke e realizuar një operacion policor i cili përfshin disa lokacione. Pas përfundimit të operacionit policor, mund të dalim me informacione shtesë”, ka thënë Kelani për Reporterin.