Policia e Bosnje dhe Hercegovinës, i ka ndarë mbrojtje të afërt deputetit, Sasha Magazinoviq, i cili si përfaqësues i shtetit të tij në Asamblenë Parlamentare të Këshillit të Evropës, votoi pro anëtarësimit të Kosovës në këtë organizatë kur më 16 prill, Asambleja me shumicë votash aprovoi raportin e raportueses, Dora Bakoyannis.
Mbrojtja e afërt Magazinoviqit i është ofruar pas një numri të madh të kërcënimeve që i mori përfshirë ato me jetë, dhe kjo mu për shkak të votës së tij për Kosovën në KiE.
Këto kërcënime i ka publikuar Magazinoviq në llogarinë e tij në X.
DANAS MRZE RIJEČIMA, SUTRA UBIJU ILI APLAUDIRAJU UBICI
Dijelim sa vama dio sadržaja koji mi je upućen ovih dana. Lakoća mržnje je zapravo najstrašnija u ovome što vidite. Mrze jedni, drugi, treći. Žele smrt, bolest, imaju surove ideje o tome šta se treba dogoditi onome koga… pic.twitter.com/AlauA8Q4Ht
— Sasa Magazinovic (@SasaMagazinovic) April 21, 2024
Shumica e deputetëve të Asamblesë Parlamentare të Këshillit të Evropës më 16 prill mbështetën raportin që rekomandon anëtarësimin e Kosovës në këtë organizatë me seli në Strasburg.
Për votuan 131 deputetë, kundër ishin 29, kurse 11 abstenuan.
Votimit i parapriu një debat që zgjati më shumë se dy orë. Shumica e deputetëve që morën fjalën e mbështetën anëtarësimin e Kosovës.
Çështja tashmë kalon në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës.