Policia e Kosovës është duke kryer një aksion të gjerë në disa lokacione në kryeqytet.
Nga Policia e Kosovës ka konfirmuar për Gazetën Online Reporteri.net se ky aksion është vazhdimësi e hetimeve në rastin “Brezovica”.
Zëdhënësi i Policisë, Baki Kelani tha për Reporteri.net se detajet lidhur me aksionin do të bëhen të ditura pas përfundimit të tij.
Në media është duke u raportuar se është kryer bastisje edhe në në shtëpinë dhe objektet përcjellëse të pronarit të kompanisë ‘Bau Holding’, Bajram Gashanit.
Sipas këtyre raportimeve, kontrolli po kryhet nën dyshimet e kryerjes së veprës penale ‘Marrje ryshfetit në ndihmë’, ‘Ushtrimi i ndikimit’, ‘Fajdeja’ dhe ‘Dhënia e ndihmës kryerësve pas kryerjes së veprave penale’.
Lidhur me rastin e njohur si “Brezovica” deri më tani janë prangosur 30 persona, përfshirë këtyre zyrtarë të lartë të shtetit në lidhje me ndërtimet e mbi 500 vilave e hoteleve në zonën e mbrojtur të maleve.
Kontroll i gjerë në disa lokacione në kryeqytet, Policia konfirmon aksionin “Brezovica 6”