Tetë persona kanë lëndime si pasojë e një aksidenti mes një kamionete dhe një veture në fshatin Shupkovc, në magjistralen Mitrovicë-Prishtinë.

Lajmin për Gazetën Online Reporteri.net e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.

Ai tha se personat e lënduar kanë kërkuar tretman mjekësor.

“Një aksident trafiku me të lënduar është shkaktuar rreth orës 18:20, në rrugë nacionale Mitrovicë-Prishtinë përkatësisht në segmenti rrugor në fshatin Shupkovc, Si pasojë e aksidentit të shkaktuar ndërmjet një kamionete dhe një veture, lëndime kanë pësuar tetë ( persona të cilët kanë kërkuar tretman mjekësor”, u shpreh Zahiti.