Deputeti i Lidhjes Demokratike të Kosovës, Avdullah Hoti ka thënë se kryeministrit aktual të Kosovës, Albin Kurtit, më nuk i beson askush.

Hoti u shpreh se kjo ndodh për shkak se Kurti shpeshherë i ka ndryshuar qëndrimet e tij për shumë çështje.

“Kryeministri Kurti nuk do të duhej të ndryshonte kornizën e dialogut, do të duhej të rrinte me kornizën e dialogut që e ka marrë në fillim të mandatit. Tani është krijuar situata ku më askush nuk i beson Kurtit dhe Qeverisë së vendit, nuk ka besueshmëri nga aleatë të tërë ndërkombëtarë sepse i ndërron fjalët”.

Hoti i përmendi qëndrimet e dikurshme të Kurtit për Asociacionin dhe çështje të tjera.

“E kemi parë se çfarë qëndrime radikale kishte për Asociacionin, për të pagjeturit edhe për demarkacionin e plotë gjëra të tjera”, ka thënë Hoti në Klan Kosova.