Deputeti i LDK-së, Avdullah Hoti ka reaguar pas vdekjes së shkrimtarit të madh, Ismail Kadare, duke thënë se personalitete e krijues si ai s’vdesin kurrë, shkruan Reporteri.net.

Në postimin e tij në Facebook, Hoti thotë se vepra e tij është pjesë e trashëgimisë kulturore.

Reagimi:

Personalitete e krijues si Ismail Kadare nuk vdesin kurrë.

Vepra e tij është pjesë e trashëgimisë kulturore shqiptare dhe botërore. Ai do të rrojë përgjithmonë me ne dhe brezat që vijnë. Shqiptarët i kanë dhënë botës një shkrimtar të madh. Ai ka dhënë kontribut të jashtëzakonshëm në promovimin botëror të kulturës shqiptare, të traditës, të konceptit të besës, të vuajtjeve të popullit shqiptar nën regjimin komunist, të cilat i ka përshkruar në mënyrë unike.

Sot, shqiptarët dhe kultura shqiptare në botë njihen më mirë falë kontributit të tij.

U prehtë në paqe ky gjeni i letërsisë dhe kulturës shqiptare.