Burri nga Peja që para dy ditë tmerroi me pamjet duke torturuar një grua në një parking në Prishtinë, nga sot do të përballet me gjyqin për veprimin e tij, raporton gazeta online Reporteri.net.
Kjo pasi, Prokuroria Themelore e Prishtinës ka ngritur aktakuzë ndaj të dyshuarit, i cili ditë më parë me forcë e kishte futur në veturën e saj një grua, derisa kishte kanosur edhe një vozitës tjetër. I njëjti edhe i kishte dëmtuar veturat e viktimave, sipas Prokurorisë.
Rasti kishte ndodhur të mërkurën, rreth orës 12:30, në kryeqytet, derisa i dyshuari u arrestua disa orë pasi pamjet e dhunës u bënë virale në media dhe internet.
Pejani dyshohet për veprat penale “Kanosja”, “Lëndim i lehtë trupor” dhe “Asgjësimi apo dëmtimi i pasurisë”.
Po ashtu, në aktakuzë, Prokurori i Shtetit ka kërkuar edhe paraburgim për të dyshuarin.
Pamje të frikshme, një burrë torturon dy gra në një parking në qendër të Prishtinës