Në Gjykatën Speciale në Hagë sot vazhdon procesi gjyqësor ndaj ish-krerëve të Ushtrisë Çlirimtare të Kosovës, shkruan Reporteri.net.
Seanca është paraparë të fillojë nga ora 09:00 dhe të zgjasë deri në orën 16:30.
Zëdhënësi i Zyrës së Prokurorit të Specializuar, Christopher Bennett, ka thënë për Reporteri.net se seanca e sotme është e mbyllur për publikun.
“Dëshmitari i sotëm do të dëshmojë në seancë të mbyllur”, tha Bennett.
Gjyqi kundër Hashim Thaçit, Kadri Veselit, Jakup Krasniqit dhe Rexhep Selimit ka nisur më 3 prill në Dhomat e Specializuara të Kosovës, që ndryshe njihen edhe si Gjykatë Speciale./Reporteri.net/.