Pamje të dhimbshme: Nëna me foshnjën në krah kërkon shpëtim nga stuhia

Të paktën shtatë turistë, përfshirë dy fëmijë, kanë mbetur të vdekur, gjersa më shumë se 100 u lënduan në një stuhi të fuqishme që goditi ishullin grek Halkidiki, shumë i popullarizuar në mesin e turistëve.


Sipas informacioneve të para policore, dy turistë të moshuar nga Republika Çeke, një grua dhe një djalë tetë-vjeçar nga Rumania, një burrë dhe një djalë nga Rusia, si dhe një peshkatar grek kanë mbetur të vdekur, transmeton Reporteri.net.

Era e fuqishme shkuli pemët dhe rrëzoi kulmet e shtëpive.

“Kjo është hera e parë në karrierën time 25 vjeçare që kam përjetuar një gjë të tillë”, tha për mediat greke, Atansios Kalcas, drejtor i qendrës shëndetësore ku u strehuan shumë njerëz të plagosur.

Kujtojmë se nga stuhi të fuqishme gjatë ditës së djeshme është goditur edhe Mali i Zi dhe Shqipëria, por pa dëme në njerëz.

Në disa pamje të publikuara shihet një nënë me një fëmijë në krah, që dëshpërimisht kërkon shpëtim. /Reporteri.net.