Kryetari i LDK-së, Isa Mustafa, ka mbërritur në objektin e Kuvendit të Kosovës, për takimin me Albin Kurtin e VV-së, i paraparë të nis në ora 16:00.
Këtë herë Mustafa ka qenë i shoqëruar nga dy nënkryetarët e partisë së tij, Agim Veliun dhe Lutfi Hazirin, si dhe anëtarin e kryesisë, Avdullah Hotin, shkruan Reporteri.net.
Në takimin e sotëm Mustafa nuk e ka marrë me vete kandidaten e LDK-së për Kryeministre, Vjosa Osmanin, sikurse kishte vepruar në një pjesë të takimeve të kaluara me Kurtin.
‘Përjashtimi’ i Vjosa Osmanit nga ky takim ka ardhur pikërisht sot kur ajo pati një përplasje publike me nënkryetarin e partisë së saj Agim Veliun, i cili po e shoqëron Mustafen në takimin me Kurtin, shkruan Reporteri.net.
Ndryshe, LDK-ja ka mbajtur sot paradite një mbledhje të kryesisë në të cilën është diskutuar mundësia e finalizimit të koalicionit bashkëqeverisës me VV-së. /Reporteri.net/.