Rinia e Partisë Demokratike të Kosovës, sot përmes një aksioni ka shfaqur pakënaqësitë e tyre ndaj Qeverisë së udhëhequr nga Albin Kurti, duke akuzuar këtë të fundit se ‘’po tenton ta përmbysë Ferizajn’’.

Në postimin e bërë nga kjo parti janë vazhduar kritikat në drejtim të qeverisë duke thënë se këta të fundit, në buxhetin e fundit nuk kanë ndarë asnjë centë për projektet e reja kapitale për Ferizajn.

Postimi i plotë:

Ministër a po na sjellë anije? ⛵️

Qeveria Kurti po tenton ta përmbysë Ferizajn.

Ministër ku është peshku?

Këtë të shtunë e nisa me RDK-në në Ferizaj, bashkë dolëm për të peshkuar në magjistralen Ferizaj – Prishtinë.

Ministria e Mjedisit, Planifikimit Hapësinor dhe Infrastrukturës udhëhequr nga Liburn Aliu qe disa vite me radhë po na bënë dhuratë liqenin në arterien kryesore të qytetit. Të gjitha i gjetëm në magjistrale, por vetëm peshkun jo.

Në buxhetin për vitin 2024, qeveria Kurti nuk ka ndarë asnje cent për projekte të reja kapitale për Ferizajn.

9 deputetë të VV-së nga Ferizaj iu thanë jo të gjitha propozimeve të deputetëve ferizajas nga PDK-ja për qytetin tonë.

A po jetojnë në Ferizaj ministri Hekuran Murati e nëntë deputetët e tjerë.

 

Pas të reshurave të premten dhe të shtunën, vendi i zakonshëm në magjistralen Ferizaj-Prishtinë, në fshatin Muhoc, është përmbytur, duke shkaktuar kolonë.

Edhe pas më shumë se dhjetë vjetësh, Komuna e Ferizajt as Ministria nuk kanë ndërmarrë asgjë për riparimin e rrugës.

Për shkak të përmbytjes së shpeshtë të rrugës, është tallur duke u quajtur Liqeni i Ferizajt. /Reporteri.net/