Mbrëmë është arrestuar Fitim Doda, i dyshuari për tentativë vrasjeje në Kolovicë, ku mbetën të vdekur dy persona, një nga ta kalimtare rasti.

Kështu njofton Policia e Kosovës, ndërsa thuhet se me vendim të prokurorit ai është dërguar në mbajtje.

“Prishtinë 26.03.2024 – 13:50. Lidhur me rastin është raportuar se me 24.04.2024 pas një pune intensive hetimore është arrestuar i dyshuari mashkull kosovar dhe i njëjti pas intervistimit me vendim të prokurorit është dërguar në mbajtje”, thuhet në raport.

Policia e Kosovës javë më parë ka shpallur në kërkim edhe dy vëllezër për të cilët dyshohen për vrasje të rëndë, Ahmet dhe Naim Berisha. Për të njëjtit policia ka kërkuar ndihmën e qytetarëve që të bashkëpunojnë nëse kanë informacione lidhur me vendndodhjen e tyre.

Poashtu, përveç dy vëllezërve policia kishte shpallur në kërkim edhe Arijan Sijarinën dhe Fitim Dodën, ku ky i fundit veçse u arrestua dje.

Lidhur me rastin, kishin mbetur të plagosur tre persona./Reporteri.net/