Vali Corleone njihet për deklarata të çuditshme dhe kontradiktore, ku ndër të tjera ka thënë se e ka në kontroll botën, shkruan Reporteri.net
Vali Corleone gjithashtu ka deklaruar se vendosja e taksës ndaj mallrave nga Serbia ka qenë propozim i tij.
“Taksën me Serbinë e vendosa unë, ishte propozim i imi dhe normal që Qeveria e Kosoves e votoi”, ka pohuar ai.
Ai tutje ka thënë se deri sa përgjohet nga mikrofona dhe mikrokamera iden e tij ia ka treguar dikush Qeverisë së Kosovës.
”E kam thënë diku këtu edhe nesër vetëm kur më treguan ndodhi, se kush e çoi lajmin nuk e di”, ka thënë Vali në emisionin n’Kosovë Show.
Ndërkaq ai ka komentuar edhe politikën vendore ku ka thënë se politika tash e 20 vite ka qenë e gabuar.
Vali po ashtu ka thënë se ka raporte të mira me presidentin amerikan, Donald Trump, dhe me shumë emra të njohur të botës.