Aksident i rëndë në Mitrovicë, 6 persona bëhen për spital

Një aksident trafiku ka ndodhur sonte rreth orës 22:40, në rrugën nacionale Mitrovicë-Prishtinë, segmenti rrugor – fshati Kçiq.


Aksidenti ka ndodhur mes tri veturave, ku si pasojë janë lënduar gjashtë persona.

Lajmin e ka konfirmuar zëdhënësi i PK-së për rajonin e Mitrovicës, Avni Zahiti për Gazetën Online “Reporteri.net”, i cili tha se personat e lënduar kanë kërkuar trajtim mjekësor në Spitalin e këtij qyteti.

“Nga informatat fillestare, një aksident trafiku me të lënduar ka ndodhur rreth orës 22:40, në rrugën nacionale Mitrovicë-Prishtinë segmenti rrugor fshati Kçiq, tri vetura të përfshira, si pasojë e aksidentit gjashtë(6) persona kan kërkuar tretman mjeksëor në Spitalin Rajonal në Mitrovicë”, tha Zahiti.