Debat i ashpër po zhvillohet në komisionin hetimor për çështjen e pandemisë, pasi që deputeti i PDK-së, Bekim Haxhiu e ka quajtur karantinën “aushvic”.

Kjo ka nxitur deputeten Mimoza Kusari-Lila që t’ia tërheqë vërejtjen pasi që, sipas saj, s’mund të bëhet një krahasim i tillë.

Në anën tjetër, deputetja tjetër e Grupit Parlamentar të Vetëvendosjes, Fatmire Kollçaku, ka kërkuar që të ndërpritet mbledhja nëse edhe njëherë përmendet ai term.

Haxhiu i ka quajtur dy deputetet e VV-së “avokate” të Valdet Hashani, përgjegjës për karantinë, i cili është duke raportuar në këtë komision parlamentar.

Në këtë komision pritet të raportojë edhe babai i Agon Musliut, që vdiq gjatë kohës sa ishte i karantinuar në Qendrën e Studentëve.