Edhe ditën e sotme dhjetëra qytetarë të Deçanit kanë kërkuar ndihmë mjekësore në QKMF-në “Adem Ukëhaxhaj”, për shkak të dyshimit të helmimit.
Drejtori i QKMF-së në Deçan, Selmon Berisha ka thënë për Gazetën Online “Reporteri.net” se edhe mëngjesin e sotëm disa pacientë kanë kërkuar ndihmë mjekësore.
“Po edhe sot në mëngjes kanë ardhur qytetarë për të kërkuar ndihmë mjekësore, fluksi të themi është si në ditët e kaluara, por sot ka më pak qytetarët që kanë kërkuar ndihmë”, ka thënë ai.
Berisha ka treguar se gjendja e të gjithë pacientëve është e mirë.
“Gjendja e pacientëve është stabile”, ka treguar ai.
Berisha ka bërë të ditur se nga ora 11:00 do të mbajë konferencë për media.
“Në ora 11:00 do të mbajmë një konferencë ku do të japim të gjitha detajet”, ka deklaruar ai. /Reporteri.net/.