Aleanca për Mbrojtjen e Teatrit e mbështetur nga Rithemelimi dhe Partia e Lirisë kanë zhvilluar të martën tjetër protestë përpara Bashkisë së Tiranës, njoftojnë mediat në Shqipëri.
Është hera e pestë që po ka protesta në kryeqytetin e Shqipërisë pas arrestimit të ish-drejtorëve të Bashkisë me urdhër të SPAK-ut.
Edhe sot, në drejtim të ndërtesës së Bashkisë, protestuesit kanë hedhur molotovë, fishekzjarrë dhe tymuese.
Në protestë marrin pjesë qytetarë dhe përfaqësues të opozitës, të cilët kërkojnë dorëheqjen e kryebashkiakut Erion Veliaj.
Kryetari i Bashkisë së Tiranës, Erion Veliaj, më 30 prill ka qëndruar në Prokurorinë e Posaçme kundër Krimit të organizuar dhe Korrupsionit (SPAK) për rreth tetë orë. Ai tha për gazetarët se shkoi në SPAK në cilësinë e bashkëpunëtorit dhe kishte një kohë që kishte kërkuar një takim.
Gjatë qëndrimit në SPAK, Veliaj tha se dha të gjitha sqarimet në lidhje me inceneratorin e Tiranës.
Afera e inceneratorit në Tiranë, Erion Veliaj intervistohet për rreth 7 orë në SPAK