Instituti Kombëtar i Shëndetësisë Publike u ka bërë thirrje sërish qyetatrëve për respektim të masave për parandalimin e shpërndarjes së koronavirusit.

---

Kjo pas një fotoje të publikuar në Prishtinë, ku shihet një grumbull qytetarësh të cilët nuk respektojnë udhëzimet e IKSHPK-së, shkruan Reporteri.

Përmes një njoftimi,  e përsërisin sërish se lehtësimi i masave nuk nënkupton mosrespektimin e rekomandimeve të IKSHPK-së.

IKSHPK përmend edhe rastin e mbrëmshëm me koronavirus që u regjistrua në Prishtinë, duke thënë se ky është lajm i keq, dhe vjen si pasojë e mosrespektimit të masave.

Njoftimi i plotë:

Të nderuar qytetarë!

Kjo situatë si në foto është e pa tolerueshme!

Mbrëmë detektuam një rast pozitiv në Prishtinë!
Ky rast nuk është për tu festuar, por për tu brengosur!

Kështu ka filluar më 13 mars!

Një rast i vetëm në Stubëll!
Një rast i vetëm në Klinë!
Një rast i vetëm ka filluar në Malishevë!
Një rast i vetëm në Dumnicë!
Një rast i vetëm në Wuhan!
Një rast i vetëm në Codogno!

Krejt janë raste të vetme që kanë arritur në mbi 4.000.000 në botë dhe po vazhdon akoma!

Vazhdoni të mbani distancën fizike dhe mbajtjen e maskave!

Virusi akoma gjendet në mesin tonë.

Lehtësimi i lëvizjes nuk nënkupton mosrespektimin e rekomandimeve të Institutit Kombëtar dhe Ministrisë së Shëndetësisë.

Lehtësimi i masave është bërë për të na bërë më të përgjegjshëm.

Sakrificën tonë për të ruajtur shëndetin ta konsiderojmë si vlerë sublime duke vazhduar me mbajtjen e distancës fizike dhe mbajtjen e maskave nē vendet publike.

Ju lutemi për kujdes të shtuar deri në shuarjen e plotë të COVID-19!

Ju lutemi të keni kujdes sepse akoma ekziston rrezik i përhapjes në vendet ku ka grumbullim të madh të njerëzve.

Virusi nuk ka këmbë, andaj mos ia jepni këmbët e juaja sepse do të rrezikoni të gjithë e më së shumti të afërmit tuaj!

Luten institucionet për mbajtjen e rendit dhe inspektoratet për angazhim të shtuar gjatë ditëve në vijim.

Ju faleminderit për mirëkuptim!