Rinia e LDK-së distancohen nga peticioni pro Osmanit: Jemi me Mustafën dhe Hotin

Gjatë ditës së djeshme në rrjetet sociale ka qarkulluar një thirrje për peticion ku është kërkuar shkarkimi i kryetarit të LDK-së, Isa Mustafa.


Fidan Rekaliu, kryetar i forumit rinor të LDK-së, nëpërmjet një statusi në Facebook, deklaron se distancohen nga ky peticion të cilin e quan ‘’dashakeq’’

Reagimi i plotë:

Te dashur miq, anetarë dhe simpatizantë të Lidhjes Demokratike të Kosoves,

Në portale të ndryshme po qarkullon një peticion kinëse në emër të rinisë së Lidhjes Demokratike për shkarkimin e kryetarit të LDK’së, Akademik Isa Mustafa.

Si Kryetar i Forumit të Rinisë së LDK’së dhe në emër të kësaj strukture, distancohemi nga ky peticion dashakeq që synon të shkaktojë perçarje dhe konfuzion.

Lidershipi i guximshem dhe vizionar i Kryetarit Mustafa, në një skenë shumë të egër politike dhe dashakeqe ndaj LDK-së dhe vendit, ka ruajtur qenësinë e LDK’se gjithë këto vite.

Nga komunikimi im i rregullt me strukturat e FR/LDK më është konfirmuar qendrimi që të rinjtë e LDK’së mbështesin lidershipin e kryetarit Mustafa dhe kryesisë në këto kohë sfiduese.

Jemi të bindur që qeverisja e re, e udhëhequr nga Prof. Dr Avdullah Hoti do të dëshmojë rëndësinë e vendimeve të ndërmarra për të shpëtuar aleancat strategjike, rikthimin e plotë të demokracisë në vend dhe rimekëmbjen e ekonomisë nga pasojat e shkaktuara nga Pandemia Covid-19.

LDK, edhe këtë herë, si gjithmonë mbetet unike dhe qëndron fort në mbrojtje të vlerave tona themeltare.

Te dashur miq, anetarë dhe simpatizantë të Lidhjes Demokratike të Kosoves, Në portale të ndryshme po qarkullon…

Publiée par Fidan Rekaliu sur Samedi 30 mai 2020