Këngëtarja dhe aktorja turke Zuhal Olcay është dënuar me 11 muaj e 20 ditë burg për fyerje publike ndaj Presidentit të Turqisë, Recep Tayyip Erdogan.

Gjithçka kishte nisur me një denoncim në numrin telefonik të policisë.

Sipas denoncuesit, Olcay, më 5 gusht të 2016-ës, teksa performonte në një skenë në Kadikoy të Stambollit kishte bërë një veprim me dorë që përmbante fyerje ndaj Presidentit Erdogan.

Raportohet se Olcay ka shprehur pendesën për veprimin e saj duke theksuar se “ishte një veprim impulsiv”.