Chelsea sot shënoi ditën kur kishte nënshkruar me sulmuesin legjendar, Didier Drogba.

Londinezët e kishin transferuar Drogban në vitin 2004 nga klubi francez, Marseille për një shumë në atë kohë e lartë, 24 milionë funte, shkruan Reporteri.net

Me t’u transferuar në ‘Stamford Bridge’, Drogba nuk ishte ndier komod, pasi i mungonte klubi ku u zbulua si futbollist.

Ai ka zbuluar se pas vetëm një sezoni të kaluar në klubin e Chelseat, planifikonte që në fund të sezonit të largohej, mirëpo ishte Jose Mourinho ai që i kishte ndryshuar mendjen.

“Ishte një kohë gjatë sezonit tim të parë kur unë nuk ndihesha komod, që nënkuptonte duhej të kthehesha tek Marseille, të bëhesha sulmuesi i vetëm me ekipin që luante për mua.

“Pastaj unë e dëgjova Mourinhon të thoshte diçka shumë interesante tek unë dhe ekipi. Ai po fliste për lojtarët. Ai po thoshte, “E di, nëse dëshiron të jesh i vetmi mbret, atëherë kthehu tek ekipi ku ishe duke luajtur dhe duke shënuar. Kthehu atje.

“Por këtu, janë 22 mbretër. Kështu që duhet ta pranosh, bashkëpuno, ose shko – kthehu atje nga ke ardhur dhe bëhu mbreti i vetëm ku gjithkush është pas teje’.

Unë e kuptova këtë. Për mua, kjo ishte sfida që unë e prisja dhe e kisha bërë më herët me Marseillën. Tani kisha ardhur tek një ekip ku edhe mbrojtësit kishin shënuar 10-15 gola në sezon. Papritmas mendova, ‘Woow, ku është vendi im këtu?’

“E dija se duhet të përmirësohesha dhe kjo ishte se çfarë më sfidoi mua dhe u bëra lojtari që isha”, ka thënë sulmuesi nga Bregu i Fildishtë./Reporteri.net/