Ish-trajneri i Manchester United, Alex Ferguson akuzohet se ka trukuar një ndeshje në Ligën e Kampionëve falë bashkëpunimit me një menaxher futbolli, i cili si shpërblim i dhuroi atij një orë Rolex me vlerë 30 mijë funte
Kjo gjë u zbulua gjatë një procesi gjyqësor në “Southëard Crown Court”, ku agjenti i italian, Giuseppe Pagliara, po gjykohet për ryshfet, shkruan Reporteri.net
Pagliara tani 64 vjeçar e bëri këtë zbulim gjatë një bisede të regjistruar në fshehtësi. Agjenti italian gjithashtu i ka thënë reporterit se Ferguson ka punuar me agjentë të ndryshëm futbollit dhe ka përfituar para nga disa marrëveshje të transferimit të lojtarëve të ndryshëm.
Prokurori Brian O’Neill, i cili hapi gjyqin të enjten, u shpreh se emrat e personave në fjalë kishin dalë gjatë një hetimi të gjerë të tabloidit anglez “Telegrafit”.
Për afera korruptive përmendet edhe emri i ish-trajnerit të Anglisë, Sam Allardyce.
Prokurori O’Neil në seancë ishte pyetur nga gazetari i “Mirror” se si u përmend këtu emri i Fergusonit, ndërsa dha këtë sqarim:
“Në përfundimit të takimit me reporterin Pagliara filloi të fliste për atë që mund të quhet edhe si kritikë ndaj Sir Alex Ferguson, duke e akuzuar atë se kishte bashkëpunuar me Pagliaran për të fiksuar rezultatin e një ndeshjeje futbolli me Juventusin në Ligën e Kampionëve, një klub me të cilin ishte lidhur Pagliara. Agjenti italian e kishte falënderuar atë me një orë të shkëlqyer Rolex me vlerë 30 000 paundë. Pagliara vazhdoi ta akuzonte Sir Alex Fergusonin se kishte marrë para edhe për marrëveshjet e transferimeve të futbollistëve. Ai pretendoi se e kishte paguar Ferguson edhe më parë,” tha O’Neal. /Reporteri.net/