Pritja në aeroportin “Adem Jashari”, ku disa vajza i prisnin me lule lojtarët e Kombëtares së Anglisë, ka ngjallur reagime të shumta, nga politikanë e deri te sportistë.
Së fundmi në një postim para se ta fshinte shpejt, ka reaguar edhe futbollisti Edon Zhegrova, shkruan Reporteri.net.
Ai ka postuar në profilin e tij në Instagram një fotografi të kampiones olimpike në xhudo, Majlinda Kelmendit, duke e krahasuar pritjen e atëhershëm të Majlindës, me atë të futbollistëve anglezë.
“No comment. Majlind proud of you” shkruan Zhegrova.
Në fotografinë që Zhegrova shumë shpejt e fshiu, shihet xhudistja jonë në aeroportin e Prishtinës, pa pritje ceremoniale.