Autoritetet bullgare njoftuan sot se janë duke hetuar arsyet e qëndrimit të  terroristit Tarrant në Bullgari në nëntor të vitit 2018, i cili sulmoi dy xhami në Zelandën e Re duke lënë të vdekur 49 persona.

“Agresori i dyshuar, një shtetas australian 28 vjeç i cili bëri masakër në dy xhami të qytetit të Christchurch gjatë faljes së namazit, ka qëndruar në Bullgari nga data 9 deri më 15 nëntor 2018”, njoftoi prokurori i përgjithshëm bullgar, Sotir Tsatsarov, transmeton Reporteri.net.

Prokuroi pohoi se ndërkohë ka nisur hetimi për të përcaktuar nëse versioni i tij, sipas së cilit ai dëshironte të zbulonte qendrat historike dhe të studionte historinë e vendeve të Ballkanit është i saktë apo nëse ai kishte objektiva të tjera.