Italia drejt përmirësimit të situatës me COVID-19

Situata e koronavirusit në Itali vazhdon të përmirësohet.


”Shkalla e incidencës shtatëditore të infeksionit ka rënë nga një mesatare kombëtare prej 74 rastesh për 100 000 popullsi në 64 raste”, theksoi Ministria italiane e Shëndetësisë në raportin e saj javor.

Në spitale, nga ana tjetër, përqindja e pacientëve Covid-19 në kujdesin intensiv dhe repartet spitalore është rritur.

”Varianti Delta është deri tani më i përhapuri në Itali për momentin”, sipas ekspertëve.
Qeveria e ka klasifikuar ishullin e Siçilisë në një nivel më të lartë të rrezikut të virusit, pra “të verdhë”.

Kjo do të thotë që njerëzit duhet të mbajnë maska ??edhe në hapësirat publike dhe vetëm një numër i caktuar njerëzish mund të ulen në një tryezë në restorante.

Të premten, autoritetet shëndetësore raportuan pak më shumë se 5 600 infeksione të reja dhe rreth 60 vdekje në 24 orët e fundit.

Në nivel kombëtar, italianët gjithashtu duhet të jenë në gjendje të tregojnë prova të vaksinimit, një test negativ ose shërim për të marrë shërbime të ndryshme.

Kjo vlen, për shembull, në shërbimet e trenave dhe autobusëve në distanca të gjata, në muze dhe ngjarje kulturore dhe për këdo që dëshiron të hajë në një restorant.