Nambia do të shesë 170 elefantë për shkak të thatësisë

Autoritetet e Namibisë kanë vendosur të nxjerrin në ankand 170 elefantë për t’i shitur për shkak të thatësirës në këtë vend.


Siç thekson BBC, Ministria për Mbrojtjen e Mjedisit, Pylltarisë dhe Turizmit të Namibisë bëri të ditur se në ankand do të shesë 170 elefantë, për shkak të thatësirës si dhe për shkak të sulmeve gjithnjë e më të shpeshta të elefantëve ndaj njerëzve.

Ministria po ashtu tha se është e nevojshme të zvogëlohet popullata në rritje e elefantëve në vend, duke shtuar se ankandi që do të mbahet më 29 janar është i hapur për të gjitha kompanitë vendase dhe të huaja që plotësojnë kushtet e nevojshme.

Autoritetet namibiane nxorën të paktën 1.000 kafshë në shitje vitin e kaluar me arsyetimin se ato ishin në rrezik të urisë.

Namibia është vendi i katërt në botë me popullsinë më të madhe të elefantëve pas Botsvanës, Zimbabves dhe Zambias./AA