Kryetari i bordit të drejtorëve të kompanisë R-Pharm, Alexei Repik ka zbuluar se çmimi i vaksinës ruse kundër Covid-19 për tregun ndërkombëtar fillimisht do të jetë së paku 10 dollarë për dy doza.

“Çmimi do të jetë së paku 10 dollarë për dy doza, për tregun e eksportit,” tha Alexei për kanalin televiziv Rusia-24.

Ai shtoi se seria e parë me siguri do të jetë e shtrenjtë. Sipas Repik, vaksina do të bëhet më e lirë kur prodhimi i saj të arrijë në një shkallë të mjaftueshme industriale.

Rusia është vendi i parë që regjistron një vaksinë kundër virusit të koronës të quajtur Sputnik V.

Kjo ka ngjallur debat ndërkombëtar, nga fakti se si OBSH e si shtete të tjera të fuqishme, e shohin atë me dyshim dhe skepticizëm.