Profesori i Filozofisë në Universitetin e Prishtinës, Blerim Latifi, ka komentuar fjalët e fundit të kryeministri në detyrë, Albin Kurtit.

Sipas Latifi, terminologjia marksiste që po përdor Kurti, nuk po e lë të bëhet lider me këmbë në tokë, shkruan Reporteri.net.

Kjo gjë erdhi si reagim i fjalisë që përdori Kurti në publikimin e fundit në Facebook, ku tha se “rënia ka qenë e domosdoshme për ngritjen e nevojshme”. Latifi tha se “Ajo që është e domosdoshme nuk vajtohet, por përshëndetet”.

“Kurti paska thënë se “rënia i tij ka qenë e domosdoshme për ngritjen e nevojshme”. Atëherë pse duhet vajtuar, pra? Ajo që është e domosdoshme nuk vajtohet, por përshëndetet! Kurtit kjo terminologji marksiste është duke ia pamundësuar që të bëhet lider me këmbë në tokë”, ka thënë Latifi.

Kurti, ndërkaq, sot e komentoi rrëzimin e tij, duke shtuar se kjo do t’i bëjë më të fortë.

“Ishte kjo një rënie e domosdoshme për ngritjen e nevojshme. Pa rënë qeveria si përbërje nuk bëhet dot qeverisja si përmbajtje. Jo se e kemi ditur, gjithsesi e morëm vesh”, ka thënë Kurti./Reporteri.net