Presidenti i Francës, Emanuel Macron, ka falënderuar kancelaren gjermane, Angela Merkel, për shërbimin e saj 16-vjeçar si diplomate europiane.
Macron, nëpërmjet një postimi në llogarinë e tij në ‘Twitter’, ka falënderuar Merkel për angazhimin e saj për çështjet europiane.
“Faleminderit e dashura Angela për angazhimin tënd për Europën. Një cicërimë nuk është e mjaftueshme që të përmblidhen 16 vite angazhim”, ka shkruar ai.
“Andaj, do të doja të përmendja një datë që do të dëshmonte përgjithmonë vizionin tuaj: 21 korriku i 2020’ës, si dhe miratimi i planit Europian të rindërtimit”, ka shkruar ai.
Merci, chère Angela, pour les combats menés pour notre Europe. Un tweet ne suffit pas à résumer seize années d’engagement, alors je veux citer une date qui témoignera à jamais de ton engagement et de ta détermination : le 21 juillet 2020, l’adoption du plan de relance européen. pic.twitter.com/ZK2FuE57fo
— Emmanuel Macron (@EmmanuelMacron) October 22, 2021
Më 21 korrik, udhëheqësit e Bashkimit Europian arritën një marrëveshje mbi një plan masiv stimulues për ekonomitë e dëmtuara nga koronavirusi.