Eurodeputeti Thijs Reuten në një postim në platformën “X” ka reaguar lidhur me zhvillimet e fundit në kufijtë serb, ku u ndaluan qindra qytetarë të Kosovës, e në mesin e tyre edhe policë të Kosovës, përfshirë edhe zëvendësdrejtorin, Dejan Jankoviq, shkruan Reporteri.net.

Eurodeputeti holandez i ka cilësuar fëmijërore dhe të rrezikshme provokimet nga Serbia.

Ai tha se Jankoviq duhet të lirohet menjëherë.

“Të parashikueshme, fëmijërore dhe të rrezikshme provokimet nga autoritetet serbe. Zëvendës shefi i policisë së Kosovës Jankoviq është ende në paraburgim. Ai duhet të lirohet menjëherë. Ne e dimë këtë model të përshkallëzimit dhe po ashtu të frikësimit të qytetarëve serbo-kosovarë dhe duhet ta ndalojmë atë”, ka shkruar eurodeputeti holandez.

Predictable, childish and dangerous provocations by Serbian authorities.

Deputy head of Kosovo police Jankovic still being detained. He must be released immediately. We know this pattern of escalation and also of intimidation of Serbian-Kosovo citizens and we must stop it. https://t.co/jWOE5nfyAP

— Thijs Reuten 🇪🇺🌹 (@thijsreuten) April 18, 2024

Autoritetet serbe ndaluan dhjetë policë të Kosovës, ku pesë prej tyre u liruan, e pesë të tjerë u mbajtën nga ta deri sot.

Derisa sot në mbledhjen e qeverisë, Kryeministri Albin Kurti bëri të ditur se ishin liruar dhe katër tjerë, por jo edhe zëvendës-drejtori i Policisë së Kosovës, Dejan Jankoviq.

Sipas Kurtit, Jankoviq po mbahet në Rashë./Reporteri.net/

Kurti: Janë liruar katër nga pesë policët e ndaluar në Serbi