Ndërsa ka shkuar në 9 numri i personave të prekur me koronavirus në Kosovë, është shqetësuese se para opinionit organet gjegjëse po japin informata të ndryshme sa i përket komunave të prekura.
Ndërsa ministri i Shëndetësisë, Arben Vitia, konfrimoi para pak minutash në Facebook se janë paraqitur edhe 4 raste të reja me koronavirus, siç tha ai 3 në Malishevë e 1 në Podujevë, duke u shënuar rasti i parë në këtë komunë.
Por informata të ndryshme nga ministri ka dhënë infektologu i QKUK-së, Shemsedin Dreshaj, i cili ka thënë për Dukagjinin se në Podujevë janë shënuar dy raste, shkruan Reporteri.net.
“Vijnë nga vende të ndryshme, ka prej Malisheve, Vitisë, Klinës dhe një burrë dhe një grua nga komuna e Podujevës, janë të moshës madhore”, ka thënë ai. /Reporteri.net/.