Ka vazhduar përplasja në rrjete sociale mes deputetit të LDK-së, Avdullah Hoti, dhe Ministrit të Bujqësisë, Faton Peci.

Pasi Peci iu drejtua Hotit me termin “analfabet”, ky i fundit tha se “inspektor Peci është në botën e çudirave”, shkruan gazeta online Reporteri.net.

Ai tha se në vend që ta kryejë punën e tij për ta zhvilluar sektorin e Bujqësisë, Peci po vazhdon të merret me ligjin kundër duhanit.

“Është në siklet se është bërë argat i atij që çdo ditë po e dëmton shtetin e Kosovës. E shan çdo ditë shtëpinë e mëparshme politike të tij , por nuk guxon të thotë një fjalë për përjashtimin e Kosovës nga ‘Defender 2023’. E ka marrë mandatin nga Kuvendi për zhvillimin e bujqësisë, e ky merret me inspektimin e lokaleve për pirje të duhanit”, shkroi Hoti në Facebook.

I njëjti e ftoi Pecin që të “punojë diçka se i shkoi mandati”.

E, deputeti Hoti pati edhe disa kritika në ‘rolin’ e tij të ekonomistit.

“E vërteta është se, sipas raportit të Qeverisë, në tre mujorin e parë të këtij viti, subvencionet në bujqësi janë ZERO dhe investimet kapitale në bujqësi janë ZERO”, përfundoi Hoti. /Reporteri.net/.

Postimi i plotë:

Hoti: Zero investime kapitale në bujqësi, ministri Peci është bërë inspektor kundër duhanit, por është ministër i bujqësisë