Guido Crosetto, Ministër i Mbrojtjes së Italisë, po qëndron për vizitë në Kosovë.
Ai gjatë ditës është pritur nga homologu i tij kosovar, Ejup Maqedonci.
Crosetto ka thënë se prania e trupave italianë në Kosovë në kuadër të misionit të NATO-s (KFOR), është vendimtare për të shmangur çfarëdo tensioni të mundshëm.
“Mbi 20 vjet angazhim italian ndaj misionit të KFOR-it për të promovuar paqen dhe stabilitetin konfirmojnë lidhjen e fortë të miqësisë midis Italisë dhe Kosovës. Prania jonë vendimtare për të zbutur tensionet dhe për të shmangur përshkallëzimin midis palëve”, ka thënë Crosetto, bëhet e ditur në një postim të Ministrisë italiane të Mbrojtjes në X.
Crosetto, gjatë qëndrimit në Kosovë do të vizitojë ushtarët italianë të cilët shërbejnë në kuadër të misionit të NATO-s në Kosovë, KFOR-it.
#Pristina
"Oltre 20 anni di impegno italiano nella missione @NATO_KFOR per promuovere pace e stabilità confermano forte legame di amicizia tra Italia e Kosovo. Nostra presenza determinante per mitigare tensioni e scongiurare escalation tra le parti." Così Min @GuidoCrosetto con… pic.twitter.com/AHh0KwAmdN— Ministero Difesa (@MinisteroDifesa) March 29, 2024
Ministri Crosetto ka vizituar Kosovën edhe në nëntorin e vitit 2022. /Reporteri.net/