Konstituimi i djeshëm i Kuvendit të Kosovës, që nga 26 dhjetori, i kishte i ka hapur rrugë formimit të Qeverisë pas zgjedhjeve të 6 tetorit. Por mosmarrëveshja politike për ekzekutivin zvarriti dhënien e mandatarit për qeveri. Megjithatë, propozimin për ,mandatar e dha sot VV-ja dhe po sot edhe Presidenti do t’ia dorëzojë dekretin.
Neni 95 i Kushtetutës e parasheh që qysh prej momentin kur Albin Kurti mandatohet nga presidenti për kryeministër, rrjedh afati i parë 15 ditësh për formimin e qeverisë.
Nëse nuk ka vota për këtë, pason afati tjetër 10 ditësh, e nëse as pas kësaj nuk arrihet, presidenti shpall zgjedhjet e reja brenda 40 ditësh.
Kryetari i Vetëvendosjes Albin Kurtit, njëherit i nominuari i kësaj partie për kryeministër, i është drejtuar popullit me një video të re, duke lënë fajtore Lidhjen Demokratike të Kosovës, për mosarritjen e marrëveshjes.
Kurti, megithëse thotë se partia e tij iu drejtua Presidentit me emrin e mandatarit pa një marrëveshje me LDK-në, lë të hapur mundësinë që të dyja partitë të kthehen në tavolinën e bisedimeve.