Pesë punëtorë shëndetësorë me koronavirus në Spitalin e Gjakovës

Spitali i Gjakovës ka njoftuar se pesë punëtorë shëndetësorë janë të prekur me COVID-19.


Një prej tyre është mjek, dy infermierë dhe dy staf administrativ.

Po ashtu, në spitalin “Isa Grezda” janë 68 pacientë të hospitalizuar që po trajtohen për COVID-19, 17 pacientë janë konfirmuar negativ, gjashtë pacientë të pakonfirmuar, 32 pacientë me oksigjeno-terapi, një pacient në CPAP maske, dy pacientë në respirator.

Në njoftim thuhet se spitalet po mbushen nga pacientë dhe bëhet thirrje për respektim të masave kundër pandemisë.