Presidenti Thaçi propozon 30 ditë gjendje të jashtëzakonshme në vend

Presidenti i Kosovës, Hashim Thaçi ka dhënë detaje për  dekretin për shpalljen e Gjendjes së Jashtëzakonshme,  hap ky që pasoi pas takimit të mbrëmshëm të Këshillit Kombëtar të Sigurisë.


Thaçi ka thënë se Zyra Ligjore e presidentit dhe ajo Kuvendit janë duke u koordinuar në mënyrë që të finalizohet dekreti për ndërmarrjen e të gjitha masave të nevojshme për tejkalimin e gjendjes së krijuar me koronavirus, shkruan Reporteri.net.

Thaçi ndër të tjera ka thënë se dekreti përfshinë gjendjen e jashtëzakonshme në tërë territorin për një periudhë prej 30 ditësh, e cila mund të vazhdohet apo të ndërpritet, varësisht prej situatës. Po ashtu me këtë dekret urdhërohet mobilizimi i tërësishëm i FKS-së, për të ndihmuar në tejkalimin e gjendjes.

“Dua të theksoj se tani më Zyra Ligjore e presidentit dhe Kuvendit janë duke u koordinuar në mënyrë që të finalizohet dekreti për ndërmarrjen e të gjitha masave të nevojshme për tejkalimin e kësaj gjendje.  Dekreti përfshinë gjendjen e jashtëzakonshme në tërë territorin për një periudhë prej 30 ditësh, e cila mund të vazhdohet. Urdhërohet mobilizimi i tërësishëm i FKS-së  për të ndihmuar në tejkalimin e gjendjes”, ka thënë Thaçi. /Reporteri.net