Përplasjet mes zyrtarëve të partive në pushtet, NISMA-s Socialdemokrate dhe Aleancës për Ardhmërinë e Kosovës, po vazhdojnë.

Deputeti i NISMA-s, Haxhi Shala, ka sulmuar ish-këshilltarin e kryeministrit Ramush Haradinaj, Avni Arifi.

Shala ka zgjedhur fjalë të rënda për Arifin, tani ambasador i Kosovës në Emiratet e Bashkuara Arabe, teksa ka folur për takimin e raportuar në Berlin, mes Arifit dhe shefit të të ashtuquajturës Zyrë për Kosovën në Qeverinë e Serbisë, Marko Gjuriq.

“Nuk e di a kanë shkuar përfaqësuesit e AAK’së në Gjermani të bisedojnë për Kosovën, apo për biznes, me përfaqësuesit e Serbisë”, është shprehur Shala në T7, shkruan Express.

“Por, nëse qëndron se kanë biseduar për Kosovën, Avni Arifi duhet të shkarkohet”, ka deklaruar Shala.