Pas votimit në zgjedhet e brendshme të Lëvizjes Vetëvendosje, kryetari, njëherit edhe kryeministri Albin Kurti quajti Këshillin Grevist dhe Sindikatën e Arsimit “sindikalistë të PAN-it”, shkruan Gazeta Online Reporteri.net.
Për këtë ka reaguar nënkryetarja e PDK-së, Vlora Çitaku e cila ka thënë se “në vend se të ulet e të bëjë zgjidhje, Kurti paska vendosur edhe sot të thumbojë mësueset dhe arsimtarët tanë.
Tutje ajo ka shkruar se kryeministri Kurti “si duket e ka telashe me e pranu që jo të gjithë ia kanë frikën”.
“Kryeministër, ju jeni Kryeministër i Kosovës, jo i VV-së. Fatkeqësisht nuk po silleni si i tillë. Jemi me 25 shtator, e fëmijët tanë janë në shtëpi. Hapi dyert e shkollave Kryeministër. Çelësat i ke në dorë ti”, ka shkruar mes tjerash Çitaku.
Reagimi i saj i plotë:
Dobët Kryeministër, dobët.
Në vend se të ulet e të bëjë zgjidhje, Kurti paska vendosur edhe sot të thumbojë mësueset dhe arsimtarët tanë.
Njëhere, njerëzit e VV e quajtën kryesindikalistin njeri të Serbisë, e sot, Kryeministri i paska quajtur sindikatat “ sindikata të PAN-it.”
Si duket Kurti e ka problem ta kuptojë që në Kosovë ka organizata, sindikata, media, shoqata të pavarura, të cilat nuk nënshtrohen. Si duket e ka problem të kuptojë që ka njerëz që vendimet i marrin vet. Si duket e ka telashe me e pranu që jo të gjithë ia kanë frikën.
Kryeministër, ju jeni Kryeministër i Kosovës, jo i VV-së. Fatkeqësisht nuk po silleni si i tillë.
Jemi me 25 shtator, e fëmijët tanë janë në shtëpi. Hapi dyert e shkollave Kryeministër. Çelësat i ke në dorë ti.