Debatet për reformën në Arsim, të iniciuara nga kryetari i Kamenices, Qëndron Kastrati nuk po kalojnë pa telashe.
Te hënën në fshatin Muciverc, derisa po mbahej diskutimi me banorët lokalë, veturës së kryetarit të Kamenicës i është shpërthyer goma.
Rastin e ka konfirmuar edhe Zyra për Marrëdhënie me Publikun në Kamenicë.
“Gjatë debatit në Muciverc, dyshohet se persona të mitur, të moshës rreth 10-11 vjeç kanë dëmtuar gomën e veturës së kryetarit. Tashmë rasti është lajmëruar në Polici dhe bashkë me Prokurorinë janë duke e hetuar rastin”, ka thënë për Kamenicapress, Margarita Rashiti, përgjegjëse e Zyrës për Marrëdhënie me Publikun në Kamenicë.